गोरगरिबांच्यासाठी सार्वत्रिक आरोग्य सेवा दर्जेदार बनत आहेत. आरोग्यसेविका अनघा पाटील
उचगाव :- सार्वत्रिक आरोग्य सुरक्षा, सर्वांसाठी ,सर्व ठिकाणी आरोग्य सेवा पोहचत आहेत.शासनाच्या वतीने सर्वसामान्य रुग्णांना वेळीच उपचार मिळावेत म्हणून अनेक योजना राबविल्या जातात. अन्य आरोग्य विषयक योजनाचा लाभ रुग्णांनी घ्यावा दिवसेंदिवस आरोग्य सेवा ही दर्जेदार रुग्णसेवा बनत चालली असल्याचे प्रतिपादन नेर्ली प्राथमिक आरोग्य उपकेंद्राच्या आरोग्य सेविका अनघा पाटील यांनी केले.
जागतिक आरोग्य दिनाच्या निमित्याने नेर्ली ता.करवीर येथे प्राथमिक आरोग्य उपकेंद्र, युवा ग्रामीण विकास संस्था,स्थंलातरित कामगार लक्षगट हस्तक्षेप प्रकल्प,महालॅब यांच्या वतीने महिला व युवतीसाठी आरोग्य शिबीर घेण्यात आले.त्या प्रसंगी त्या बोलत होत्या. अध्यक्षस्थानी युवा संस्थेच्या एचआयव्ही /एड्स जनजागृती प्रकल्पाचे प्रकल्प अधिकारी मोहन सातपुते होते.
यावेळी जिल्हा परिषदेच्या वतीने आरोग्य सेविका अनघा पाटील यांना उत्कृष्ट आरोग्य सेवेबद्दल पुरस्कार मिळाल्याबद्दल आशा स्वयं सेविका–गरोदर माता व स्तनदा मातांच्या वतीने सत्कार करण्यात आला. यावेळी आरोग्य शिबिरामध्ये रक्त तपासणी करण्यात आली. यासाठी विकासवाडी नेर्ली,तामगाव येथील महिला ,युवती, सामान्य नागरिक मोठ्या संख्येने उपस्थित होते.
या शिबिरास सामाजिक कार्यकर्ती दिपाली सातपुते ,मंगल चव्हाण,शीला पाटील, विद्या मंदिर तामगावच्या नुरजहाँ मुलाणी,आशा गटप्रवर्तक स्वाती कांबळे, आशा स्वयंसेविका जानकी गवळी, सरिता पाटील, संगीता कांबळे ,अर्चना मोरे,आक्काताई कांबळे, महालॅबच्या टेक्निशियन सीमा जाधव,ऋतुजा मांडरेकर, शुभम पाटील ,गणेश बारटक्के, प्रल्हाद कांबळे, प्रदीप आवळे ,सचिन आवळे, हालसिद्धनाथ कांबळे, समुपदेशक जीवन मोहिते, डॉ.योगिता सातपुते, डॉ.सुहास राजमाने, डॉ.शीतल शेवाळे ,प्रकल्प संचालक नंदकुमार निर्मळे याचे सहकार्य लाभले.
स्वागत व आभार अनघा पाटील यांनी मानले. सूत्रसंचालन विद्या मंदिर नेर्लीचे समीर मुलाणी यांनी केले.
फोटो ओळ:-. जागतिक आरोग्य दिनाच्या निमित्याने नेर्ली ता.करवीर येथे प्राथमिक आरोग्य उपकेंद्र, युवा ग्रामीण विकास संस्था,स्थंलातरित कामगार लक्षगट हस्तक्षेप प्रकल्प,महालॅब यांच्या वतीने महिला व युवतीसाठी आरोग्य शिबीर घेण्यात आले .यावेळी आरोग्य सेविका अनघा पाटील यांचा सत्कार करताना आशा स्वयंसेविका,नूरजहाँ मुल्लानी,शीला पाटील,आदी