जिल्हा परिषद शाळांतील विद्यार्थ्यांच्या विमान प्रवासासह इस्रो भेटी साठी शुभेच्छ समारंभ
LATEST NEWS
NEWS
मा. शिरोलीत कॅन्सररुग्ण तपासणी शिबीर
जिल्हा नियोजन समिती अनुदानातून मा. श्री. चंद्रकांत पाटील, पालक मंत्री , मा. सौ. शौमिका महाडिक, अध्यक्षा यांच्या संकल्पनेतून व मा. डॉ कुणाल खेमनार, मुख्य कार्यकारी अधिकारी, जि.प. कोल्हापूर यांच्या मागदर्शनाखाली राबविण्यात येणारी नाविन्यपूर्ण योजना कॅन्सर रुग्ण तपासणी व कॅन्सर रुग्ण शोध मोहिम करवीर तालुक्यामध्ये राबविण्यात येत आहे. या योजनेच्या सुरुवातीच्या टप्प्यामध्ये आशा स्वयंसेविकेना कॅन्सर बाबतचे मूलभूत प्रशिक्षण देण्यात आले. त्यानंतर सर्व प्रा.आ.केद्रांच्या कार्यक्षेत्रातील गांवामध्ये आशा मार्फत सव्हेक्षण करण्यात आले होते. आशा स्वयंसेविकांच्या सर्व्हेक्षणामधून निघालेल्या रुग्णांची तपासणी प्राथमिक आरेाग्य केंद्राकडील वैद्यकीय अधिकारी यांनी केली असून त्यांच्या तपासणी मध्ये निघालेल्या संशयित रुग्णांची तपासणी कोल्हापूर कॅन्सर हॉस्पीटल मार्फत करण्यात आली आहे. या योजने अंतर्गत करवीर तालुक्यात एकुण चार शिबीरे घेण्यात आलेली आहे. मुडशिंगी व इस्पुर्ली येथे लवकरत कॅन्सररुग्ण तपासणी शिबीर घेण्यात येणार आहे.
कॅन्सर रुग्ण तपासणी शिबीर प्राथमिक आरोग्य केंद्र मा. शिरोली येथे दिनांक 13 मार्च 2018 रोजी घेण्यात आले या शिबीरराचा शुभारंभ जिल्हा परिषद सदस्य सुभाष सातपुते यांच्याहस्ते करण्यात आला. या प्रसंगी आरोग्य समिती सदस्या मा. सौ. शिल्पा चेतन पाटील , पं.स. करवीरचे उपसभापती मा. श्री.विजय भोसले, पं.स. सदस्य मा. राजे्ंद्र सुर्यवंशी, सौ. अश्विनी धोत्रे, सौ. सविता पाटील, ग.वि.अ. श्री. सचिन घाटगे, शिरोलीेचे सरपंच सौ.रेखा कांबळे उपस्थित होते.
या प्रसंगी बोलतांना मा. सुभाष सातपुते म्हणाले की, मुख कॅन्सर, गर्भाशय कॅन्सर , स्तन कॅन्सर इ. प्रमाण वाढले असून कॅन्सरचे लवकर निदान होण्यासाठी या नाविन्यपूर्ण योजनेचा नक्कीच उपयोग होणार आहे. आरोग्य समिती सदस्या मा. सौ. शिल्पा पाटील म्हणाल्या की, लोकांनी व्यसनापासून दूर राहणे, नियमित व्यायाम, संतुलीत आहार, तणावापासून दूर अशा प्रकारची जीवनशैली स्वीकारावी असे नमुद करण्यात आले.
या कार्यक्रमाचे प्रस्ताविकात बोलतांना तालुका आरोग्य अधिकारी डॉ नलवडे म्हणाले की, मा. कुणाल खेमनार, मु.का.अ व डॉ. उषादेवी कुंभार, जि.आ.अ. यांच्या मागदर्शनाखाली कृती आराखडा तयार करण्यात आला असून योजना व्यस्थितपणे तालुक्यात राबविण्यात येत आहे मा. शिरोलीतील शिबीरामध्ये 106 रुग्णांची तपासणी करण्यात आली असून 19 इतक्या रुग्णंाना पुढील प्ुढील तपासणी साठी संदर्भित करण्यात आले आहे. उपस्थितांचे स्वागत डॉ. बामणीकर यांनी केले तर आभार डॉ. भोई यांनी मानले.
आर टी ई अंतर्गत २५ टक्के विद्यार्थी प्रवेशासाठी ऑनलाईन लॉटरी प्रक्रिया संपन्न
आर.टी.ई. अंतर्गत 25 टक्के विद्यार्थी प्रवेशासाठी ऑनलाईन लॉटरी प्रक्रिया संपन्न
बालकांचा मोफत व सक्तीच्या शिक्षणाचा अधिकार अधिनियम 2009 मधील कलम 12 (1) (क) नुसार विनाअनुदानित, कायम विनाअनुदानित व स्वयंअर्थसहाय्यित तत्त्वावरील शाळांमध्ये अपंग, अ.जा., अ.ज., वंचित व दुर्बल घटकांतील विद्यार्थ्यांना इयत्ता 1 ली किंवा पूर्व प्राथमिक वर्गात (प्रथम प्रवेश स्तरावर) 25 टक्के प्रवेश राखीव ठेवणेची तरतूद आहे. त्यानुसार सन 2018-19 या शैक्षणिक वर्षासाठी कोल्हापूर जिल्हयामध्ये ऑनलाईन प्रवेश प्रक्रिया सुरू झालेली आहे. सदर प्रक्रियेअंतर्गत 347 शाळांमधील 3501 जागांसाठी एकूण 2880 ऑनलाईन अर्ज प्राप्त झाले. त्यापैकी ज्या शाळांना 25 % आरक्षित क्षमतेपेक्षा जादा अर्ज आलेले आहेत. अशा 70 शाळांसाठी शिक्षण विभाग (प्राथमिक), जिल्हा परिषद, कोल्हापूरच्या वतीने शासनाच्या आदेशानुसार ऑनलाईन लॉटरी प्रक्रियेचे आयोजन मंगळवार दि. 13/03/2018 इ. रोजी दुपारी 1.00 वाजता शिक्षण महर्षी डॉ. बापूजी साळुंखे स्मृती भवन, स्वामी विवेकानंद शिक्षण संस्था, नागाळा पार्क, कोल्हापूर येथे करणेत आलेले होते. सदर लॉटरी प्रक्रियेला जिल्हा परिषदेचे प्राथमिक शिक्षणाधिकारी श्री. सुभाष चौगुले, म.न.पा. प्रशासन अधिकारी श्री. विश्वास सुतार, विस्तार अधिकारी श्री. जे. टी. पाटील, श्रीम. जे. एस. जाधव, RTE पोर्टल ऑपरेटर श्री. एस. एम. खंडेपारकर, श्री. नचिकेत सरनाईक व अन्य कर्मचारी उपस्थित होते. तसेच लॉटरी प्रक्रियेसाठी पात्र असलेल्या शाळांचे प्रतिनिधी व पालकवर्ग उपस्थित होता.
सर्वप्रथम शिक्षणाधिकारी श्री. सुभाष चौगुले यांनी ऑनलाईन लॉटरी प्रक्रियेबाबत सर्व उपस्थितांना सविस्तर माहिती दिली व पालकांच्या शंकांचे निरसन केले. त्यानंतर उपस्थित पालकांमधून 3 लहान मुलींना स्टेजवर बोलावून त्यांचे हस्ते 3 स्वतंत्र बरण्यांमधील 0 ते 9 क्रमांकापर्यंतच्या चिठ्ठया काढणेत आल्या. सदर चिठ्ठयांचे क्रमांक शासनाच्या RTE पोर्टलवरील विहीत रकान्यात नोंदवून पूर्णपणे ऑनलाईन पध्दतीने लॉटरी प्रक्रिया पार पाडणेत आली. ही प्रक्रिया ऑनलाईन असलेने दि. 14/03/2018 इ. रोजी NIC सेंटरमधून लॉटरी लागलेल्या तसेच लॉटरी न लागलेल्या अशा सर्वच पालकांना मेसेज जातील. मात्र पालकांनी मेसेजवर अवलंबून न राहता RTE वेबसाईटवरील SELECTED व NOT SELECTED या ठिकाणी जाऊन आपला फॉर्म नंबर लिहून खात्री करावी. ज्यांचे नाव NOT SELECTED मध्ये असेल अशा अर्जांसाठी प्रवेशाची पुढील फेरी काढण्यात येईल.ज्यांना लॉटरी लागल्याचा मेसेज येईल त्यांनी वेबसाईटवर जाऊन आपला भरलेला फॉर्म USER ID व पासवर्ड टाकून पुन्हा ओपन करावा. त्यामध्ये ADMID CARD या TAB वर क्लिक करावे आणि ज्या शाळा मिळाल्या असतील त्या शाळांच्या नावाची प्रिंट काढावी. पालकांनी सदरची प्रिंट व प्रवेशासंबंधीची सर्व कागदपत्रे घेऊन संबंधित शाळेत जावे व आपल्या पाल्याचा प्रवेश निश्चित करावा. पहिल्या फेरीतील विद्यार्थी प्रवेशाचा कालावधी दि. 14/03/2018 ते दि. 24/03/2018 असा आहे. सदर कालावधीत संबंधित पालकांनी शाळांमध्ये प्रवेश निश्चित न केल्यास त्यांना पुढील फे-यांमध्ये पुन्हा संधी दिली जाणार नाही. त्यामुळे पालकांनी शाळा प्रवेशाच्या बाबतीत दक्ष राहून विहीत मुदतीत शाळेमध्ये प्रवेश निश्चित करावेत असे आवाहन श्री. सुभाष रा. चौगुले शिक्षणाधिकारी (प्राथमिक) यांनी केलेले आहे.
(श्री. सुभाष रा. चौगुले)
शिक्षणाधिकारी (प्राथमिक)
जिल्हा परिषद कोल्हापूर
पल्स पोलिओ लसीकरण मोहिमेचा शुभारंभ
राष्ट्रीय लसीकरण मोहिमे अंतर्गत कोल्हापूर जिल्हयात दुस-या टप्यात 335489 इतक्या 0 ते 5 बालकांना पोलिअेा चा डोस देण्यातत येणार आहे. या मोहिमेचा शुभारंभ कार्यक्रम वसाहत रुग्णालय गांधीनगर ता करवीर येथे मा. सौ शौमिका अमल महाडिक, अध्यक्षा, जिल्हा परिषद कोल्हापूर यांच्या हस्ते बालकांला डोस पाजून पोलिअेा मोहिमेचा शुभारंभ संपन्न झाला. या प्रसंगी बोलताना मा. अध्यक्षा म्हणाल्या की, पोलिओ डोस पासून एकही बालक वंचीत राहणार नाही यांची दक्षाता घावी व सर्वांच्या एकत्रित प्रयत्नामुळे आज आपला देश पोलिओमुक्त झाला आहे असे नमुद केले. गांधीनगर रुग्णालयाला स्वतंत्र्य एस.टी.पी. प्लॅट ची आवश्यकता असलेचे डॉ. एल.एस. पाटील यांनी प्रस्ताविक भाषणात सांगितले. एस.टी. पी. प्रस्ताव सादर करावा, शासनस्तरावर मान्यतेसाठी पाठपुरावा करणेत येईल असे मा. अध्यक्षा यांनी सांगितले. या कार्यक्रमास डॉ एल.एस. पाटील, जि.श.चि. मा. सौ. सरीता कटेजा , पंचायत समिती सदस्या, मा. सौ. रितु लालवाणी, सरपंच, मा. सौ. ठोमके, ग्रा.प. सदस्या डॉ एफ ए देसाई, प्र. जिल्हा माता बाल संगोपन अधिकारी, डॉ कुराडे, डॉ. माळवे, शुभारंभ कार्यक्रमास उपस्थित होते. स्वागत व आभार डॉ. विद्या पॉल, वैद्यकीय अधिक्षक, यांनी व्यक्त केले. कार्यक्रमाचे नियोजन सौ. भागवत, मेट्रन, सौ. वेगुर्लेकर, श्री. प्रकाश खेबुडकर, व सर्व स्टाफ यांनी केले.
छत्रपती प्रमिलाराजे सर्वोपचार रुग्णालय, कोल्हापूर येथे मा. संजय शिंदे, निवासी उपजिल्हाधिकारी, कोल्हापूर अाणि मा. इंद्रजित देशमुख अतिरिक्त मुख्य कार्यकारी अधिकारी, जि.प. कोल्हापूर यांचे हस्ते मोहिमेचे उदघाटन पोलीओ डोस देवून करण्यात आले. उदघाटन प्रसंगी मा. डॉ उषादेवी कुंभार, जिल्हा आरोग्य अधिकारी म्हणाल्या की, सर्व बालकांचे योग्य वयात नियमित लसीकरण, नियमित ए.एफ.पी. सर्व्हेक्षण, 0 ते 5 वर्षातील सर्व बालकांचे पोलिओ लसीकरण करणे ही पोलिओ निर्मुलनाची त्रिसुत्री आहे असे सांगितले. या प्रसंगी डॉ एल एस पाटील, जिल्हा शल्यचिकित्सक, डॉ हर्षला वेदक, सहाय्यक संचालक (कुष्ठरोग) डॉ व्ही .पी. देशमुख, निवासी वैदयकीय अधिकारी, बाहय संपर्क, डॉ. मिरगुंडे, डॉ खैरमोडे उपस्थित होते, डॉ . देसाई एफ.ए. जिल्हा माता बाल संगोपन अधिकारी यांनी आभार व्यक्त केले.
महाराष्ट्राचे पहिले मुख्यमंत्री यशवंतराव चव्हाण यांची जयंती साजरी केलेबाबत.
महाराष्ट्राचे पहिले मुख्यमंत्री यशवंतराव चव्हाण यांची जयंती जिल्हा परिषद, कोल्हापूर येथे दि. १२/०३/२०१८ रोजी सकाळी ११ वाजता साजरी करणेत आली. त्या प्रसंगी मा. डॉ. कुणाल खेमनार मुख्य कार्यकारी अधिकारी यांनी यशवंतराव चव्हाण हे अष्टपैलू व्यक्तिमत्त्व असून त्यांच्या आठवणी सांगितल्या. मा. इंद्रजित देशमुख अतिरिक्त मुख्य कार्यकारी अधिकारी यांनी चारित्र्य संपन्न व्यक्तिमत्व असलेले यशवंतराव चव्हाण यांच्या विचारांचे प्रशासनामध्ये अनुकरण करावे असे सांगितले. माजी उपाध्यक्ष मा. धैर्यशील माने यांनी याप्रसंगी आपले विचार व्यक्त केले. यावेळी शिक्षण सभापती मा. अमरिशदादा घाटगे यांच्या उपस्थितीत श्री. उदय कारंडे वरिष्ठ सहाय्यक व श्रीमती प्रतिमा पाटील कनिष्ठ सहाय्यक यांचे हस्ते यशवंतराव चव्हाण यांच्या फोटोचे पूजन करण्यात आले.
मा. डॉ. हरिष जगताप, प्रकल्प संचालक (डीआरडीए), मा. श्री. राजेंद्र भालेराव उप मुख्य कार्यकारी अधिकारी, श्री. किरण लोहार शिक्षणाधिकारी (माध्यमिक), श्री. राहुल कदम उप मुख्य लेखाधिकारी, श्री. चंद्रकांत सुर्यवंशी जिल्हा कृषि अधिकारी, डॉ. संजय शिंदे जिल्हा पशुसंवर्धन अधिकारी उपस्थित होते.
महाराष्ट्राचे पहिले मुख्यमंत्री यशवंतराव चव्हाण यांची संपूर्ण माहिती श्री. बी.पी. माळवे यांनी सांगितली. या प्रसंगी अधिकारी व कर्मचारी मोठया संख्येने उपस्थित होते.
सही/-
उपमुख्य कार्यकारी अधिकारी (साप्रवि)
जिल्हा परिषद, कोल्हापूर
पल्स पोलीओ मोहीम ११ मार्च २०१८ करिता आरोग्य विभाग सज्ज
पल्स पोलीओ मोहिम 11 मार्च 2018 करीता आरोग्य विभाग सज्ज
पल्स पोलीओ मोहिम दि.11 मार्च 2018 यशस्वीरित्या राबविण्याच्या दृष्टीेने दि.8 मार्च 2018 रोजी जिल्हा समन्वय समितीची सभा मा.श्री नंदकुमार काटकर, अप्पर जिल्हाधिकारी कोल्हापूर यांचे अध्यक्षतेखाली घेण्यात आली सदर सभेमध्ये पल्स पोलीओ मोहिम यशस्वीरित्या राबविणेसाठी करणेत आलेली उपाययोजना यावर सविस्तर चर्चा झाली 0 ते 5 वयोगटातील जिल्हयातील 335489 बालकांना पोलीओ डोस देण्यात येणार आहे. मा. डॉ. कुणाल खेमनार, मुख्य कार्यकारी अधिकारी, जि.प. कोल्हापूर व डॉ. उषादेवी कुंभार, जि.आ.अ. यांचे मागदर्शनाखाली मोहिमेचा कृती आराखडा तयार करण्यात आला आहे. याकरीता ग्रामीण भागासाठी 1630 नागरी भागासाठी 198 व कोमनपा साठी 173 असे एकुण जिल्हयामध्ये 2001 पोलीओ बुथची स्थापना करणेत आलेली आहे. बुथवर डोस चुकलेल्या व प्रवासामध्ये असलेल्या बालकांसाठी एस टी स्टॅन्ड, रेल्वे स्टेशन, टोल नाके या ठिकाणी 314 ट्रान्झीट टिमची व उसतोड मजुर वस्ती विट भटटी, स्टोन क्रशर, बांधकाम साईट, भटक्या वसाहतीसाठी 669 मोबाईल टिमची स्थापना करणेत आलेली आहे.
दि. 11 मार्च 18 च्या पोलीओ लसीकरणानंतर जर काही बालके लसीपासुन वंचीत राहिलेली असतील त्यांचेसाठी घरोघर सर्व्हेक्षण करुन त्यांना पोलीओ लस पाजणेसाठी जिल्हयामध्ये एकुण 2427 टिम तयार करणेत आलेल्या आहेत अशा टिम 3 -4 दिवस घरोघरी जाऊन डोस चुकलेल्या बालकांचा शोध घेऊन पोलीओ डोस पाजणार आहेत. मोहिम यशस्वीपणे राबविणेसाठी जिल्हयात 7703 कर्मचारी नियुक्त करणेत आलेले असुन 1188 पर्यवेक्षक नियुक्त करणेत आलेले आहेत.
सदर मोहिमेसाठी 426000 पोलीओची लस जिल्हयासाठी प्राप्त झालेली आहे. प्रत्येक तालुक्यास त्यांचे मागणीनुसार पुरवठा करणेत येत आहे. मोहिम काळात जादा वाहनांची आवश्यकता असलेने मा.जिल्हाधिकारी यांचेमार्फत वाहने उपलब्ध करुन देण्यात येणार आहेत. तसेच मोहिमेच्या व्यापक प्रसिध्दीकरीता जिल्हाधिकारी कार्यालय करमणुक विभागामार्फत केबल टिव्ही, सिनेमागृह याद्वारे प्रसिध्द करणेत येणार आहे.
पल्स पोलीओ समन्वय समितीच्या वतीने जिल्हयातील सर्व नागरिकांना आवाहन करणेत येत आहे की, आपल्या घरातील व परिसरातील 0 ते 5 वयोगटातील एकही बालक पोलीओ डोस पासुन वंचित राहणार नाही याची काळजी घ्यावी.
सदर सभेस डॉ एल एस पाटील, जिल्हा शल्य चिकित्सक, सीपीआर हॉस्पिटल , डॉ अरुन वाडेकर, आरोग्य अधिकारी कोमनपा, सहायक आयुक्त समाजकल्याण, प्रादेशीक परिवहन अधिकारी, जिल्हा माहिती अधिकारी, शिक्षणाधिकारी (प्राथमीक) हे उपस्थित होते. डॉ एफ ए देसाई जिल्हा माता व बाल संगोपन अधिकारी जिल्हा परिषद कोल्हापूर यांनी आभार मानले.
जिल्हा आरोग्य अधिकारी
जिल्हा परिषद कोल्हापूर
शिक्षण हक्क कायदा 2009 अंतर्गत 25 टक्के प्रवेशासाठी ऑनलाईन लॉटरी प्रक्रिया
बालकांचा मोफत व सक्तीच्या शिक्षणाचा अधिकार अधिनियम 2009 मधील कलम 12 (1) (क) नुसार विनाअनुदानित, कायम विनाअनुदानित व स्वयंअर्थसहाय्यित तत्त्वावरील शाळांमध्ये अपंग, अ.जा., अ.ज., वंचित व दुर्बल घटकांतील विद्यार्थ्यांना इयत्ता 1 ली किंवा पूर्व प्राथमिक वर्गात (प्रथम प्रवेश स्तरावर) 25 टक्के प्रवेश राखीव ठेवणेची तरतूद आहे. त्यानुसार सन 2018-19 या शैक्षणिक वर्षातील RTE अंतर्गत 25 % विद्यार्थी प्रवेशासाठी कोल्हापूर जिल्हयातील नोंदणी केलेल्या 347 शाळांमधील 3501 जागांसाठी दि. 10/02/2018 ते दि. 07/03/2018 या कालावधीत पालकांकडून ऑनलाईन अर्ज स्विकारणेत आलेले आहेत. प्रत्यक्षात सदर कालावधीत एकूण 246 शाळांसाठी 2880 ऑनलाईन अर्ज प्राप्त झाले. त्यापैकी 70 शाळांसाठी 25 % आरक्षित क्षमतेपेक्षा जादा अर्ज आलेले आहेत. अशा खालील 70 शाळांसाठी शिक्षण विभाग (प्राथमिक), जिल्हा परिषद, कोल्हापूरच्या वतीने शासनाच्या आदेशानुसार ऑनलाईन लॉटरी प्रक्रियेचे आयोजन मंगळवार दि. 13/03/2018 इ. रोजी दुपारी ठिक 1.00 वाजता शिक्षण महर्षी डॉ. बापूजी साळुंखे स्मृती भवन, स्वामी विवेकानंद शिक्षण संस्था, नागाळा पार्क, कोल्हापूर येथे करणेत आलेले आहे.
सदर लॉटरी प्रक्रियेस खालीलप्रमाणे नमूद केलेल्या शाळांचे मुख्याध्यापक व सदर शाळांमध्ये प्रवेश घेणेसाठी अर्ज केलेल्या पालकांनी वेळेत उपस्थित रहावे असे आवाहन श्री. सुभाष रा. चौगुले शिक्षणाधिकारी (प्राथमिक) यांनी केलेले आहे.
लॉटरी प्रक्रियेसाठी पात्र असलेल्या शाळांची यादी
अ.क्र. | तालुका | शाळेचे नाव |
1 | हातकणंगले | लोकनेते राजारामबापू पाटील इंग्शिल स्कूल, कोरोची |
2 | हातकणंगले | कौतुक विद्या मंदिर शिरोली |
3 | हातकणंगले | आयडीयल इंग्लिश स्कूल शिरोली |
4 | हातकणंगले | सिंबोलिक इंटरनॅशनल स्कूल शिरोली पुलाची |
5 | हातकणंगले | नवजीवन विद्यानिकेतन शिरोली |
6 | हातकणंगले | संकल्प वि.मं. शिरोली |
7 | हातकणंगले | जिनियस इंग्शिल मिडीयम स्कूल पेठवडगांव |
8 | हातकणंगले | ग्रीन व्हॅली प्रायमरी पब्लिक स्कूल पेठवडगांव |
9 | हातकणंगले | गुरूकुल प्राथमिक विद्यालय पेठवडगांव |
10 | हातकणंगले | आयडीयल इंग्लिश स्कूल इचलकरंजी |
11 | हातकणंगले | अनंतराव भिडे वि.मं. (इंग्रजी) |
12 | हातकणंगले | श्री बालाजी इंग्लिश मिडीयम स्कूल |
13 | शिरोळ | आचार्य आदीसागर इंग्लिश स्कूल उदगांव |
14 | शिरोळ | श्री दत्त बालक मंदिर शिरोळ |
15 | शिरोळ | गुरूकुल इंग्लिश मिडीयम स्कूल अब्दुललाट |
16 | शिरोळ | न्यू इंग्लिश मिडीयम स्कूल जयसिंगपूर |
17 | करवीर | अविष्कार इंग्लिश स्कूल पाडळी खुर्द |
18 | करवीर | लिटल फ्लॉवर इंग्लिश मिडीयम स्कूल |
19 | करवीर | दूधगंगा व्हॅली सेमी इंग्लिश स्कूल इस्पुर्ली |
20 | करवीर | श्री आनंदराव पाटील (चुयेकर) इंग्लिश मिडीयम स्कूल |
21 | करवीर | रॉयल इंग्लिश स्कूल उचगांव |
22 | करवीर | ज्ञानकला विद्यानिकेतन उचगांव |
23 | करवीर | मॉडर्न इंग्लिश स्कूल पाचगांव |
24 | राधानगरी | न्यू इंग्लिश मिडीयम स्कूल राधानगरी |
25 | राधानगरी | वक्रतुंड इंग्लिश मिडीयम स्कूल |
26 | कागल | सेंट ॲनेस इंग्लिश मिडीयम स्कूल |
27 | भुदरगड | आयडीयल इंग्लिश स्कूल शिंदेनगर (राणेवाडी) |
28 | गडहिंग्लज | बी. आर. चव्हाण इंग्लिश स्कूल |
29 | गडहिंग्लज | हलकर्णी भाग इंग्लिश मिडीयम स्कूल |
30 | गडहिंग्लज | विश्वनाथ इंग्लिश मिडीयम स्कूल गडहिंग्लज |
31 | चंदगड | सेंट स्टिफन्स इंग्लिश मिडीयम स्कूल चंदगड |
32 | कोल्हापूर शहर | छ. शाहू विद्यालय प्रायमरी |
33 | कोल्हापूर शहर | छ. शाहू विद्यालय सी.बी.एस.ई. |
34 | कोल्हापूर शहर | मॉडर्न इंग्लिश मिडीयम स्कूल |
35 | कोल्हापूर शहर | सेंट ॲन्थोनी स्कूल |
36 | कोल्हापूर शहर | श्रीमंत माईसाहेब बावडेकर ॲकॅडमी प्रायमरी |
37 | कोल्हापूर शहर | श्री दत्ताबाळ इंग्लिश मिडीयम स्कूल |
38 | कोल्हापूर शहर | न्यू मॉडेल इंग्शिल स्कूल |
39 | कोल्हापूर शहर | कोरगांवकर इंग्लिश मिडीयम स्कूल |
40 | कोल्हापूर शहर | भारती विद्यापीठ इंग्लिश मिडीयम स्कूल कोल्हापूर |
41 | कोल्हापूर शहर | संजीवन इंटरनॅशनल प्रायमरी स्कूल |
42 | कोल्हापूर शहर | सृजन आनंद विद्यालय |
43 | कोल्हापूर शहर | श्रीपतराव बोंद्रे इंग्लिश मिडीयम स्कूल |
44 | कोल्हापूर शहर | विकास विद्यामंदिर प्राथमिक |
45 | कोल्हापूर शहर | एम. एस. पटेल इंग्लिश स्कूल |
46 | कोल्हापूर शहर | श्री हनुमंतराव चाटे स्कूल (इंग्रजी) |
47 | कोल्हापूर शहर | ओरीएंटल इंग्लिश ॲकॅडमीज प्रायमरी स्कूल राजारामपुरी |
48 | कोल्हापूर शहर | टॅरीयर शौर्य स्कूल |
49 | कोल्हापूर शहर | राधाबाई शिंदे इंग्लिश मिडीयम स्कूल |
50 | कोल्हापूर शहर | सेंट मॅरीज स्कूल |
51 | कोल्हापूर शहर | राणेज प्रायमरी स्कूल |
52 | कोल्हापूर शहर | न्यू इंग्लिश मिडीयम स्कूल |
53 | कोल्हापूर शहर | ब्ल्यू बर्ड इंग्लिश स्कूल |
54 | कोल्हापूर शहर | प्रिन्स शिवाजी इंग्लिश मिडीयम स्कूल |
55 | कोल्हापूर शहर | अभिनव इंग्लिश मिडीयम स्कूल |
56 | कोल्हापूर शहर | कोल्हापूर इंग्लिश स्कूल |
57 | कोल्हापूर शहर | अभिनव विद्यामंदिर |
58 | कोल्हापूर शहर | ॲड. पी. आर. मुंडरगी प्रायमरी इंग्लिश स्कूल |
59 | कोल्हापूर शहर | जवाहर इंग्लिश स्कूल |
60 | कोल्हापूर शहर | विमला गोयंका इंग्लिश स्कूल |
61 | कोल्हापूर शहर | श्री वसंतराव जयवंतराव देशमुख प्रायमरी इंग्लिश स्कूल कोल्हापूर |
62 | कोल्हापूर शहर | आनंद इंग्लिश मिडीयम स्कूल |
63 | कोल्हापूर शहर | कर्मवीर इंग्लिश मिडीयम स्कूल |
64 | कोल्हापूर शहर | आदर्श प्रायमरी स्कूल |
65 | कोल्हापूर शहर | पोदार इंटरनॅशनल स्कूल |
66 | कोल्हापूर शहर | विमल इंग्लिश स्कूल |
67 | कोल्हापूर शहर | श्री हनुमंतराव चाटे स्कूल (मराठी) |
68 | कोल्हापूर शहर | साई इंग्लिश स्कूल |
69 | कोल्हापूर शहर | रॉयल इंग्लिश मिडीयम स्कूल उचगांव |
70 | कोल्हापूर शहर | कोल्हापूर पब्लिक स्कूल |
सदर लॉटरी प्रक्रियेबाबतच्या वृत्तास आपल्या लोकप्रिय दैनिकामधून प्रसिध्दी देणेत यावी, जेणेकरून पात्र विद्यार्थ्यांच्या पालकांना सदर दिवशी नियोजित ठिकाणी हजर होणे सोयीचे होईल.
(श्री. सुभाष रा. चौगुले)
शिक्षणाधिकारी (प्राथमिक)
जिल्हा परिषद कोल्हापूर
जागतिक महिला दिन 2018
जिल्हा परिषद, कोल्हापूर कडील महिला व बालकल्याण विभागा मार्फत दि. 8 मार्च 2018 रोजी जागतिक महिला दिन 2018, महिलांमध्ये मतदान प्रक्रिया संदर्भात जागृती कार्यक्रम,अस्मिता योजना शुभारंभ ,अंगणवाडी प्रवेशोत्सव अभियान 2018 ची उद्घोषणा आदर्श अंगणवाडी सेविका पुरस्कार सन 2017-18 वितरण सोहळा असा संयुक्तिक क ार्यक्रम राजर्षि छत्रपती शाहु सभागृह, जिल्हा परिषद, कोल्हापूर येथे मा. सौ. शौमिका अमल महाडिक, अध्यक्षसोा, जि. प. कोल्हापूर यांचे शुभहस्ते व मा. श्री. सर्जेराव ज्ञानदेव पाटील, उपाध्यक्षसोा, जि. प. कोल्हापूर यांचे अध्यक्षतेखाली आयोजित करण्यात आलेला आहे.या कार्यक्रमास मा. अविनाश सुभेदार,जिल्हाधिकारी, कोल्हापूर, मा. डॉ. कुणाल खेमनार, मुख्य कार्यकारी अधिकारीसोा, जि. प. कोल्हापूर, मा. निलीमा तपस्वी, आंतरराष्ट्रीय उद्योग सल्लागार ü यांची विशेष उपस्थिती आहे.जिल्हयातील सोळा प्रकल्पातील प्रत्येकि तीन याप्रमाणे 48 अंगणवाडी सेविकाना पुरस्कार वितरीत करणेत येणार आहे.
या कार्यक्रमास मा. सौ. शुभांगी रामचंद्र शिंदे, सभापतीसोा, महिला व बालकल्याण समिती, मा.श्री.विशांत महापुरे, सभापतीसोा, समाजकल्याण समिती, मा.श्री.अंबरिषसिंह घाटगे, सभापतीसोा, शिक्षण व अर्थ समिती, मा. श्री. सर्जेराव पाटील (पेरीडकर), सभापतीसोा, बांधकाम व आरोग्य समिती, जि.प.कोल्हापूर यांच्या प्रमुख उपस्थितीत कार्यक्रमाचे आयोजन करण्यात आले आहे.
तरी सदर कार्यक्रमास उपस्थित राहण्याचे आवाहन मा. जिल्हा परिषद अध्यक्षा मा. सौ. शौमिका महाडीक व महिला व बाल कल्याण सभापती मा. सौ. शुभांगी शिंदे यांनी केले आहे.