LATEST NEWS

संपूर्ण देशामध्ये दि.15 सप्टेंबर ते 2 ऑक्टोबर,2017 या कालावधीमध्ये स्वच्छ ही सेवा अभियान राबविले जाणार आहे. कोल्हापूर जिल्हा परिषदेमार्फत जिल्हास्तरावर आज रोजी स्वच्छता रथाच्या शुभारंभाच्या माध्यमातून या अभियानास प्रारंभ झाला.स्वच्छता रथाचा शुभारंभ मा.सौ.शौमिका महाडी,अध्यक्षा यांच्या हस्ते संपन्न झाला.या शुभारंभ कार्यक्रमास जि.प.कोल्हापूर मा.डॉ.कुणाल खेमनार,मुख्य कार्यकारी अधिकारी,जि.प.कोल्हापूर,तसेच,मा.श्री.इंद्रजित देशमुख,अतिरिक्त मुख्य कार्यकारी अधिकारी,जि.प.कोल्हापूर, मा.श्रीम.सुषमा देसाई,उपमुख्य कार्यकारी अधिकारी (पा.व स्व.),मा.डॉ.प्रकाश पाटील,जिल्हा आरोग्य अधिकारी उपस्थित होते.

दि.14/9/2017 रोजी अभियान यशस्वी करण्यासाठी जिल्हा परिषदेच्या सर्व सदस्यांनी साधारण सभेमध्ये स्वच्छतेची शपथ घेण्यात आली होती.आज स्वच्छतेच्या रथाच्या माध्यमातून स्वच्छता प्रबोधनाच्या कामास प्रारंभ करण्यात आला असून या पंधरवडयामध्ये ग्राम स्तरावर विविध उपक्रम राबविले जाणार आहेत,यामध्ये यामध्ये स्वच्छतेसाठी प्रभातफेरी,स्वच्छतेची शपथ ,परिपाठ व हातधुवा दिन असे उपक्रम शालेयस्तरावरती राबविले जाणार आहेत,तर ग्राम पंचायतस्तरावर स्वच्छतारथाच्या माध्यमातून प्रबोधन करणे.स्वच्छता पथक स्थापन करणे,प्लास्टिक पिशव्या न वापरणेबाबत जनजागृती करणे,गवंडी प्रशिक्षणाच्या माध्यमातून शौचालय बांधकाम शुभारंभ करणे,पिण्याच्या पाण्याच्या स्त्रोतांची स्वच्छता करणे,परिसर स्वच्छता आणि घनकचरा व सांडपाणाी व्यवस्थापन अंतर्गत ग्राम पंचायतींचा सर्व्हे करणे असे उपक्रम राबविले जाणार आहेत.

या अभियानाच्या यशस्वीतेसाठी सर्व पदाधिकारी,अधिकारी आणि ग्रामस्थ यांना सक्रिय सहभाग घेण्याबाबत मा.सौ.शौमिका महाडीक,अध्यक्षा,जि.प.कोल्हापूर यांनी स्वच्छता रथाच्या शुभारंभावेळी आवाहन केले.

—————————————————————————————————–

उपमुख्य कार्यकारी अधिकारी,(पा.व स्व.)

जिल्हा परिषद, कोल्हापूर

आमदार मा.अमल महाडीक यांच्या स्वच्छता  श्रमदानातून अभियानास प्रारंभ

कोल्हापूर 16/9/2017

आज रोजी ग्राम पंचायत मुडशिंगी,ता.करवीर येथे आमदार मा.अमल महाडीक यांचे उपस्थितीत स्वच्छता हि सेवा अभियानाचा शुभारंभ करणेत आला. सुरवातीला शालेय मुलांचे मार्फत स्वच्छता फेरी काढणेत आली. या सोबत जिल्हा परिषदेच्या स्वच्छता रथाच्या माध्यमातुनही प्रबोधनपर संदेश देण्यात आले. प्रभात फेरी नंतर स्वच्छता मोहिम घेणेत आली. यामध्ये आमदार मा. अमल महाडीक यांचेसोबत ग्रामपंचातयीचे पदाधिकारी ग्रामस्थ यांनी देखील हातात झाडू घेऊन स्वच्छता केली. यानंतर उपस्थित सर्वांनी स्वच्छतेची शपत घेतली.

घनकचरा सांडपाणी व्यवस्थापनांतर्गंत ग्रा.प. मुडशिंगीचा शिवाजी विद्यापिठाच्या तंत्रज्ञान विभागाकडून सर्व्हे केला जाणार आहे. यासाठी हे सर्व विध्यार्थी व प्राद्यापक मुडशिंगी येथे उपस्थित होत. या विध्यार्थ्यांना आमदार मा. अमल महाडीक यांनी मार्गदर्शन केले. तसेच प्लास्टीकचा वापर न करणेबाबत उपस्थितांना आवाहन केले. घनकचरा व सांडपाणी व्यवस्थापन प्रकल्प राबवून जिल्हयासाठी रोल मॉडेल म्हणुन गाव तयार व्हावे अशी इच्छा त्यांनी यावेळी व्यक्त केली.

कार्यक्रमाच्या शेवटी घनकचरा व सांडपाणी व्यवस्थापन या विषयावर आधारित तयार केलेले स्टिकर्स मा. आमदार साहेब यांचे शुभहस्ते काही घरावर लावण्यात आली.

या अभियान शुभारंभासाठी मा. श्रीम. सुषमा य.देसाई ,उपमुख्य कार्यकारी अधिकारी (पा.व स्व.) ,जि.प. कोल्हापूर, मा. श्री. सचिन घाडगे गविअ. करवीर तसेच जिल्हा पाणी व स्वच्छता मिशन कक्षातील तज्ञ ,सल्लागार व समुह समन्वयक ,ग्रा.प. सरपंच ,उपसरपंच ,पदाधिकारी व ग्रामसेवक इ. उपस्थित होते.

 जिल्हा परिषद कोल्हापूर ,रोटरी क्लब ऑफ कोल्हापूर सनराईज व जिल्हा शैक्षणिक सातत्यपूर्ण व्यावसायिक विकास संस्था, कोल्हापूर यांच्यामध्ये होणा-या शिक्षक प्रशिक्षण कराराचे हस्तांतरण आज दिनांक 15/09/2017 इ. रोजी शाहू सभागृह, जिल्हा परिषद कोल्हापूर येथे मोठ्या दिमाखात संपन्न झाले. जिल्ह्यातील किमान 10 हजार शिक्षकांना टेक्नोसेव्ही प्रशिक्षण व ज्ञानरचनावादी साहित्यनिर्मिती तसेच कोल्हापूर जिल्ह्यातील शिक्षण क्षेत्रात ऊल्लेखनीय कामगिरी करणा-या शिक्षकांचा रोटरी व इनरव्हील तर्फे *नेशन बिल्डर पुरस्कार* देऊन गौरव करण्यात आला.

सदर कार्यक्रमास प्रमुख पाहुणे म्हणून खासदार धनंजय महाडीक व अध्यक्षस्थानी जिल्हा परिषदेच्या अध्यक्षा सौ. शौमिका महाडीक, रोटरी प्रांतपाल श्री. आनंद कुलकर्णी, जिल्हा परिषद सीईओ डॉ. श्री. कुणाल खेमनार, शिक्षण समिती सभापती श्री. अंबरीषसिंह घाटगे, अतिरिक्त मुख्य कार्यकारी अधिकारी श्री. इंद्रजित देशमुख, शिक्षण उपसंचालक श्री. मकरंद गोंधळी, प्राचार्य DIECPD     श्री. आय. ई. शेख, प्राथमिक शिक्षणाधिकारी श्री. सुभाष चौगुले, माध्यमिक शिक्षणाधिकारी      श्री. किरण लोहार, श्री. प्रसन्न देशिंगकर तसेच रोटरी क्लब ऑफ कोल्हापूर सनराईज, रोटरी क्लब ऑफ कोल्हापूर मिडटाऊन, रोटरी क्लब ऑफ करवीर, इनरव्हील क्लब ऑफ कोल्हापूर सनराईज आणि इनरव्हील क्लब ऑफ कोल्हापूर हेरिटेज चे सर्व पदाधिकारी, रोटरीचे सर्व सहाय्यक प्रांतपाल, शिक्षक वर्ग तसेच जिल्हा परिषदेचे अधिकारी मोठ्या संख्येने उपस्थित होते.

आपल्या भाषणात खासदार श्री. धनंजय महाडीक, सौ. शौमिका महाडीक, सीईओ डॉ. श्री. कुणाल खेमनार, प्रांतपाल श्री. आनंद कुलकर्णी, श्री. अंबरीषसिंह घाटगे यांनी रोटरीच्या उपक्रमाचे कौतुक करून भविष्यात असेच मौलीक उपक्रम जिल्हा परिषदेच्या सोबत करून समाजाला प्रेरित करावे असे नमूद केले. प्रास्ताविक श्री. प्रसन्न देशिंगकर यांनी सादर केले. आभार श्रीमती रितू वायचळ यांनी मानले.

                                                                                             श्री. सुभाष चौगुले

                                                                                      शिक्षणाधिकारी (प्राथमिक),

                                                                                      जिल्हा परिषद, कोल्हापूर

भारताचे माजी राष्ट्रपती डॉ.सर्वपल्ली राधाकृष्णन यांचा दि. 5 सप्टेंबर हा जन्मदिन शिक्षकदिन म्हणून साजरा करणेत येतो. या दिनाचे औचित्य साधून कोल्हापूर जिल्हा परिषदेमार्फत उत्कृष्ट कार्य करणाऱ्या 20 गुणवंत शिक्षकांना जिल्हा शिक्षक पुरस्कार 2017 ने सन्मानित करण्यात आले. तसेच उत्कृष्ट शैक्षणिक कामकाजाबद्दल 2 शिक्षकांचा सन्मानचिन्ह देवून गौरव करण्यात आला. सदर कार्यक्रम मंगळवार दिनांक 05 सप्टेंबर 2017 इ. रोजी दुपारी 3.00 वा. राजर्षि शाहू सभागृह, जिल्हा परिषद कोल्हापूर येथे आयोजित करणेत  आला होता.

सदर कार्यक्रम मा. सौ.शौमिका महाडिक, अध्यक्ष, जिल्हा परिषद कोल्हापूर यांच्या अध्यक्षेखाली व मा. आमदार श्री.सुरेश हाळवणकर, मा.आमदार श्री.चंद्रदीप नरके यांच्या शुभहस्ते व मान्यवरांचे उपस्थितीत संपन्न झाला.

प्रास्ताविकामध्ये शिक्षणाधिकारी (प्राथमिक) मा.सुभाष चौगुले, यांनी जिल्ह्यातील प्राथमिक शिक्षणाची सद्यस्थिती विद्यार्थी गुणवत्ता, प्रगत शैक्षणिक महाराष्ट्र कार्यक्रम अंमलबजावणी व शाळांच्या गुणवत्तेच्या संदर्भात सर्वंकष आढावा सादर केला.

कार्यक्रमाच्या मनोगतामध्ये सभापती अर्थ व शिक्षण, मा.श्री.अंबरिषसिंह घाटगे यांनीजिल्हा परिषदेच्या 100% शाळा डिजिटल करणेचा संकल्प व्यक्त केला. तसेच जिल्हा परिषदेमार्फत स्वत:चे सॉफ्टवेअर विकसित करुन सर्व शाळांना पुरविणेत येईल असे स्पष्ट केले. जिल्हा परिषदेच्या शाळेत शिकणाऱ्या विद्यार्थ्यांचा खऱ्या अर्थाने सर्वांगीण विकास घडवून आणण्यासाठी डॉ.ए.पी.जे. अब्दुल कलाम सुजाण विद्यार्थी अभियान राबविणेत येणार असलेचे सांगितले.

मुख्य कार्यकारी अधिकारी, मा.डॉ.कुणाल खेमनार यांनी जिल्ह्यातील शिक्षणातील गुणवत्तेचा उहापोह करत विद्यार्थी विकासामध्ये शिक्षकांचे महत्व विषद केले. कोल्हापूर जिल्ह्यामध्ये आंतरराष्ट्रीय दर्जाच्या शाळा निर्माण करण्यासाठी शिक्षकांनी बहुमोल योगदान देण्याचे आवाहन केले.

मा.आमदार चंद्रदीप नरके यांनी कोल्हापूर जिल्हा परिषदेमार्फत जिल्ह्यामध्ये नवनवीन उपक्रम राबविले जातात, शिंगणापूर क्रीडा प्रशाला ही राज्यामध्ये आदर्श प्रशाला म्हणून काम करीत आहे. तसेच शिक्षक पुरस्कार निवड प्रक्रिया अत्यंत पारदर्शक असून जिल्हा परिषदेच्या शाळा डिजीटल करणेसाठी व शाळांच्या दुरुस्तीसाठी सहकार्य करु असे सांगितले.

मा. आमदार श्री.सुरेश हाळवणकर यांनी पुरस्काराने व्यक्तीचा सन्मान होतो, अधिक प्रेरणेचे काम करण्याची ऊर्जा मिळते.जिल्हा परिषदेमार्फत दिला जाणारा पुरस्कार म्हणजे गुणवंत शिक्षकांच्या कार्याचा गौरव आहे. राष्ट्र उभारणीमध्ये शिक्षकाचं योगदान मोलाचे आहे याची जान ठेवून प्रत्येक शिक्षकाने उत्कृष्ट कामकाज करुन बलशाली, सामर्थ्यशाली भारत घडविणेच्या दृष्टीने योगदान दयावे, तसेच डॉ.राधाकृष्णन, डॉ.जे.पी.नाईक या सारख्या विचारवंताचे विचार आचरणात आणावेत असे सांगितले. तसेच शिक्षण विभागाच्या नाविन्यपूर्ण योजना व कामकाजाबाबत आपण समाधानी असलेचे सांगितले.

अध्यक्षीय भाषणामध्ये मा. सौ.शौमिका महाडिक, अध्यक्ष, जिल्हा परिषद कोल्हापूर यांनी शैक्षणिक व्यवस्था, विद्यार्थी गुणवत्ता, शिक्षकांचे राष्ट्र उभारणीमधील योगदान यांचे महत्व विषद करुन शिक्षक पुरस्कार निवडीवेळी जिल्ह्यामध्ये शिक्षक ज्ञानदानामध्ये त्यागवृत्तीने उत्कृष्ट योगदान देत असलेबद्दल दिसून आले याबद्दल समाधान व्यक्त केले.

सदर कार्यक्रमासाठी मा.श्री.सर्जेराव पाटील, उपाध्यक्ष, जि.प.कोल्हापूर, मा.श्री.विशांत महापुरे, समाजकल्याण सभापती, मा.श्री.सर्जेराव पाटील (पेरीडकर), बांधकाम सभापती, मा.सौ.शुभांगी शिंदे, महिला व बालकल्याण सभापती, मा.श्री.इंद्रजित देशमुख, अति.मुख्य कार्यकारी अधिकारी व सन्माननिय जिल्हा परिषद सदस्य, शिक्षण समिती सदस्य, पंचायत समिती सभापती, जिल्हा परिषदेचे सर्व विभाग प्रमुख व इतर मान्यवर उपस्थित होते.

•  05 सप्टेंबर जिल्हा शिक्षक  पुरस्कार २०१७ अंतिम निवड यादी सन २०१७-२०१८

मा. कै. वसंतराव नाईक जयंतीनिमित्त्य  कृषि विभाग जिल्हा परिषद कोल्हापूरमार्फत आज कृषि दिन संपन्न झाला. सदर कार्यक्रमानिमित्त्य मा. जिल्हा परिषद उपाध्यक्ष श्री. सर्जेराव ज्ञानदेव पाटील यांच्या शुभ हस्ते  मा. कै. वसंतराव नाईक यांच्या प्रतिमेचे पूजन करणेत आले. तसेच मा. नाईक यांच्या कार्याविषयी मा. इंद्रजीत देशमुख साहेब अतिरिक्त मुख्य कार्यकारी अधिकारी यांचे व्याख्यान झाले. सदर कार्यक्रमाकरिता विभागीय कृषि सहसंचालक मा. डॉ. एन. टी. शिसोदे  जिल्हा अधिक्षक कृषि अधिकारी मा. श्री. बसवराज मास्तोळी यांच्या सोबत जिल्हा परिषदेकडील सर्व विभागांचे विभाग प्रमुख अधिकारी तस्ेाच कर्मचारी उपस्थित होते.

दुपारच्या सत्रात जिल्हा परिषद जुन्या इमारतीच्या आवरात वृक्षारोपण कार्य्रकम घेणेत आला. मा. अध्यक्ष सौ शौमिका अमल महाडिक, मा. उपाध्यक्ष श्री. सर्जेराव ज्ञानदेव पाटील , मा. श्री. विशांत सुरेश महापुरे सभापती समाजकल्याण, मा.श्री राहुल आवाडे, जिल्हा परिषद सदस्य तसेच माजी सभापती हातकणगले राजेश पाटील, मा. इंद्रजीत देशमुख अतिरिक्त मुख्य कार्यकारी अधिकारी, मा. चंद्रकांत सुर्यवंशी कृषि विकास अधिकारी, मा. चंद्रकांत वाघमारे उपमुख्य कार्यकारी अधिकारी   (सा. प्र.)  मा. राजेंद्र भालेराव उपमुख्य कार्यकारी अधिकारी  ( ग्रा. पं. ) मा. श्री. सतिश रोकडे जिल्हा कृषि अधिकारी  मा. दिनेश वरपे जिल्हा कृषि अधिकारी  यांच्या हस्ते वृक्षारोपण कार्यक्रम संपन्न झाला.

Sd/-

कृषि विकास अधिकारी

जिल्हा परिषद, कोल्हापूर